Bootstrap Image Preview

Ahmad Faraz- ashiqi men 'mir' jaise ḳhvab mat dekha karo

ashiqi men 'mir' jaise ḳhvab mat dekha karo 

bavle ho jaoge mahtab mat dekha karo 

-----------------*------------------

jasta jasta paḌh liya karna mazamin-e-vafa 

par kitab-e-ishq ka har baab mat dekha karo 

-----------------*------------------

is tamashe men ulaT jaati hain aksar kashtiyan 

Dūbne valon ko zer-e-ab mat dekha karo 

-----------------*------------------

mai-kade men kya takalluf mai-kashi men kya hijab 

bazm-e-saqi men adab adab mat dekha karo 

-----------------*------------------

ham se durveshon ke ghar aao to yaron ki tarah 

har jagah ḳhas ḳhana o barfab mat dekha karo 

-----------------*------------------

mange-tange ki qaba.en der tak rahti nahin 

yaar logon ke laqab-alqab mat dekha karo 

-----------------*------------------

tishnagi men lab bhigo lena bhi kaafi hai 'faraz' 

jaam men sahba hai ya zahrab mat dekha karo

-----------------*------------------

Love Shayari Dil Shayari Yaad Shayari

Posted In : Ahmad Faraz

17-Jul-2017
338 views

0 Comments