Bootstrap Image Preview

Khumar - Bujh gaya dil hayat baaqi hai

bujh gayā dil hayāt baaqī hai 

chhup gayā chāñd raat baaqī hai 

-------------------*-------------------

hāl-e-dil un se kah chuke sau baar 

ab bhī kahne kī baat baaqī hai 

-------------------*-------------------

ai ḳhushā ḳhatam-e-ijtināb magar 

mahshar-e-iltifāt baaqī hai 

-------------------*-------------------

ishq meñ ham samajh chuke sab se 

ek zālim hayāt baaqī hai 

-------------------*-------------------

nāsehān-e-karām ke dam se 

shorish-e-kā.enāt baaqī hai 

-------------------*-------------------

raat baaqī thī jab vo bichhḌe the 

kaT ga.ī umr raat baaqī hai 

-------------------*-------------------

rahmat-e-be-panāh ke sadqe 

e'timād-e-najāt baaqī hai 

-------------------*-------------------

na vo dil hai na vo shabāb 'ḳhumār' 

kis liye ab hayāt baaqī hai 

-------------------*-------------------

Dard Shayari Yaad Shayari Friendship

Posted In : Khumar Barabankavi

17-Jul-2017
415 views

0 Comments