Bootstrap Image Preview

Koi bachne ka nahi.n sab ka pata janti hai

koi bachne ka nahi.n sab ka pata janti hai 

kis taraf aag lagana hai hava janti hai 

----------------*-----------------

ujle kapḌo.n me.n raho ya ki naqabe.n Daalo 

tum ko har ra.ng me.n ye ḳhalq-e-ḳhuda janti hai 

----------------*-----------------

rok pa.egi na zanjir na divar koi 

apni manzil ka pata ah-e-rasa janti hai 

----------------*-----------------

TuuT ja.u.nga bikhar ja.u.nga haru.nga nahi.n 

meri himmat ko zamane ki hava janti hai 

----------------*-----------------

aap sach bol rahe hai.n to pashema.n kyuu.n hai.n 

ye vo duniya hai jo achchho.n ko bura janti hai 

----------------*-----------------

a.ndhiya.n zor dikha.e.n bhi to kya hota hai 

gul khilane ka hunar bad-e-saba janti hai 

----------------*-----------------

aa.nkh vaale nahi.n pahchante us ko 'manzar' 

jitne nazdik se phulo.n ki ada janti hai 

----------------*-----------------

Ghurbat Shayari zindagi Duniya Shayari

Posted In : Manzar Bhopali

09-Jul-2017
367 views

0 Comments