Bootstrap Image Preview

Koi ummeed bar nahi aati koi soorat nazar nahi aati

Koi ummeed bar nahi aati
koi soorat nazar nahi aati

--------------*---------------

Kaun hai jo nahi hai haajat-mand
kis ki haajat ravaa.n kare koi

--------------*---------------

‘Ghalib’ chhuti sharaab par ab bhi kabhi-kabhi
peeta huun roz-e-abra o shab-e-maahtaab mein

--------------*---------------

‘Ghalib’ bura na maan jo vaaiz bura kahe
aisa bhi koi hai ki sab achchha kahen jise

--------------*---------------

Jab ki tujh bin nahi koi maujood
fir ye hangama ai khuda kya hai

--------------*---------------

Jaan tum par nisaar karta huun
mai nahi jaanta dua kya hai

--------------*---------------

Jee dhoondhta hai fir vahi fursat ke raat din
baithe rahen tasavvur-e-jaanaan kiye huye

--------------*---------------

Tum jaano tum ko gair se jo rasm-o-raah ho
mujh ko bhi poochhte raho to kya gunaah ho

--------------*---------------

Tire vaade par jiye ham to ye jaan jhoot jaana
ki khushi se mar na jaate agar etibaar hota

--------------*---------------

Thee khabar garm ki ‘Ghalib’ ke udenge purje
dekhne ham bhi gaye the pa tamasha na hua

--------------*---------------

De mujh ko shikaayat kee ijaazat ki sitamgar
kuchh tujh ko mazaa bhi mire aazaar mein aave

Dard Shayari Sad Shayari Sharab Shayari

Posted In : Mirza Ghalib

05-Jul-2017
383 views

0 Comments