Bootstrap Image Preview

Main ġhazal huu.n mujhe jab aap suna karte hai.n

mai.n ġhazal huu.n mujhe jab aap suna karte hai.n 

chand lamhe mira ġham baa.nT liya karte hai.n 

----------------*-----------------

jab vafa karte hai.n ham sirf vafa karte hai.n 

aur jafa karte hai.n jab sirf jafa karte hai.n 

----------------*-----------------

log chahat ki kitabo.n me.n chhupa kar chehre 

sirf jismo.n ki hi tahrir paḌha karte hai.n 

----------------*-----------------

log nafrat ki fazao.n me.n bhi ji lete hai.n 

ham mohabbat ki hava se bhi Dara karte hai.n 

----------------*-----------------

apne bachcho.n ke liye laakh ġharibi ho magar 

maa.n ke pallū me.n ka.i sikke mila karte hai.n 

----------------*-----------------

jo kabhi ḳhush na hue dekh ke shohrat meri 

mere apne hai.n mujhe pyaar kiya karte hai.n 

----------------*-----------------

jin ke jazbat huu.n nuqsan naf.a ki zad me.n 

un ke dil me.n ka.i bazar saja karte hai.n 

----------------*-----------------

fikr-o-ehsas pe parda hai 'haya' ka varna 

ham ġhalat baat na sunte na kaha karte hai.n 

----------------*-----------------

Dard Shayari Yaad Shayari Duniya Shayari

Posted In : Lata Haya

09-Jul-2017
153 views

0 Comments