Bootstrap Image Preview

Manzar Bhopali - Guzar Chuka Hai Zamana Wo Inkesaari Ka

Guzar chuka hai zamana wo inkisari ka
K ab mizaaj bana lijiye shikaari ka

----------------------*--------------------

Hum ahteram-e-mohabbat me.n sir jhukate hai.n
Galat nikaal na mafhoom khaksaari ka

----------------------*--------------------

Wo badshah bane baithe hain muqaddar se 
Magar mizaaj hai ab tak wohi bhikari ka

 

----------------------*--------------------

Sab uske jhoot ko bhi sach samajhne lagte hai.n

Wo aisa dhoong rachata hai sharmsari ka

----------------------*--------------------

Jinhe.n Balandi pe jaana hai jast bharte hai

Wo intezaar nahi karte apni baari ka

----------------------*--------------------

For Video Move To :

https://www.youtube.com/watch?v=Hhr0OBlxox8

 

Popular Shayaries zindagi Duniya Shayari

Posted In : Manzar Bhopali

21-Jul-2017
345 views

0 Comments