Bootstrap Image Preview

Masjido.n ke sahn tak jaana bahut dushvar tha

masjido.n ke sahn tak jaana bahut dushvar tha 

dair se nikla to mere raste me.n daar tha 

---------------*---------------

dekhte hi dekhte shahro.n ki raunaq ban gaya 

kal yahi chehra hamare a.ino.n par baar tha 

---------------*---------------

apni qismat me.n likhi thi dhuup ki narazgi 

saya-e-divar tha lekin pas-e-divar tha 

---------------*---------------

sab ke dukh sukh us ke chehre par likhe paa.e ga.e 

aadmi kya tha hamare shahr ka aḳhbar tha 

---------------*---------------

ab mohalle bhar ke darvazo.n pe dastak hai nasib 

ik zamana tha ki jab mai.n bhi bahut ḳhuddar tha

---------------*---------------

 

Love Shayari Yaad Shayari Duniya Shayari

Posted In : Rahat Indori

14-Jul-2017
361 views

0 Comments