Bootstrap Image Preview

Mere karobar me.n sab ne badi imdad ki

mere karobar me.n sab ne baḌi imdad ki 

daad logo.n ki gala apna ġhazal ustad ki 

---------------*---------------

apni sa.nse.n bech kar mai.n ne jise abad ki 

vo gali jannat to ab bhi hai magar shaddad ki 

---------------*---------------

umr bhar chalte rahe a.nkho.n pe paTTi ba.ndh kar 

zindagi ko Dhu.nDne me.n zindagi barbad ki 

---------------*---------------

dastano.n ke sabhi kirdar kam hone lage 

aaj kaġhaz chunti phirti hai pari baġhdad ki 

---------------*---------------

ik sulagta chiḳhta mahaul hai aur kuchh nahi.n 

baat karte ho 'yagana' kis aminabad ki

---------------*---------------

Love Shayari Dil Shayari Yaad Shayari Duniya Shayari

Posted In : Rahat Indori

14-Jul-2017
151 views

0 Comments