Bootstrap Image Preview

Mumtaz Naseem - chalte chalte ye halat hui raah men

chalte chalte ye halat hui raah me.n bin piye mai-kashi ka maza aa gaya 

paas koi nahi.n tha magar yuu.n laga koi dil se mire aa ke Takra gaya 

 

aaj pahle-pahal tajraba ye hua iid hoti hai aisi ḳhabar hi na thi 

chand ko dekhne ghar se jab mai.n chali dūsra cha.nd mere qarib aa gaya 

 

ai hava-e-chaman mujh pe ehsa.n na kar nik.hat-e-gul ki mujh ko zarūrat nahi.n 

ishq ki raah me.n pyaar ke itr se mere saare badan ko vo mahka gaya 

 

hijr ka mere dil me.n a.ndhera kiye vo jo pardes me.n tha basera kiye 

jis ke aane ka koi guma.n bhi na tha daf.atan mujh ko aa ke vo chau.nka gaya 

 

rang 'mumtaz' chehre ka aisa khila zindagi me.n naya hadisa ho gaya 

aaina aur mai.n dono.n hairan the mai.n bhi sharma gai vo bhi sharma gaya

Dil Shayari Taqdeer Shayari zindagi

Posted In : Mumtaz Naseem

04-Sep-2018
23 views

0 Comments