Bootstrap Image Preview

PaḌe hai.n zaḳhm-ḳhurda mehrbani ma.ngne vaale

paḌe hai.n zaḳhm-ḳhurda mehrbani ma.ngne vaale 

bahut nadim hai.n us se zindagani ma.ngne vaale 

----------------*-----------------

yaha.n to sab ki ḳhvahish ek si hai roTiya.n, sikke 

mere yug me.n nahi.n ḳhvab-e-javani ma.ngne vaale 

----------------*-----------------

koi taḳhliq ho ḳhun-e-jigar se janm leti hai 

kahani likh nahi.n sakte kahani ma.ngne vaale 

----------------*-----------------

laga.e.n jo saro.n ki baziya.n ye kaam un ka hai 

imamat kya kare.nge jhuk ke paani ma.ngne vaale 

----------------*-----------------

Dard Shayari Khuda Shayari zindagi

Posted In : Manzar Bhopali

09-Jul-2017
235 views

0 Comments