Bootstrap Image Preview

Qismat ajiib khel dikhati chali gai

qismat ajiib khel dikhati chali ga.i 

jo ha.ns rahe the un ko rulati chali ga.i 

----------------*-----------------

dil goya hadsat-e-musalsal ka shahar ho 

dhaḌkan bhi chiḳh ban ke Darati chali ga.i 

----------------*-----------------

kaġhaz ki tarah ho ga.i bosida zindagi 

tahrir hasrato.n ki miTati chali ga.i 

----------------*-----------------

mai.n chahti nahi.n thi magar phir bhi jaane kyuu.n 

aa.i jo teri yaad to aati chali ga.i 

----------------*-----------------

a.nkho.n ki putliyo.n se tira aks bhi gaya 

ya.ani charaġh me.n thi jo baati chali ga.i 

----------------*-----------------

Dhū.nDa unhe.n jo raat ki tanha.i me.n 'haya' 

ik kahkasha.n si zehan pe chhati chali ga.i 

Taqdeer Shayari zindagi Duniya Shayari

Posted In : Lata Haya

09-Jul-2017
497 views

0 Comments