Roz patthar ki himayat me.n ġhazal likhte hai.n

roz taro.n ko numaish me.n ḳhalal paḌta hai 

cha.nd pagal hai a.ndhere me.n nikal paḌta hai 

------------------*------------------

ek dīvana musafir hai mirī a.nkho.n me.n 

vaqt-be-vaqt Thahar jaata hai chal paḌta hai 

------------------*------------------

apnī ta.abīr ke chakkar me.n mira jagta ḳhvab 

roz sūraj kī tarah ghar se nikal paḌta hai 

------------------*------------------

roz patthar kī himayat me.n ġhazal likhte hai.n 

roz shīsho.n se koī kaam nikal paḌta hai 

------------------*------------------

us kī yaad aa.ī hai sa.nso zara ahista chalo 

dhaḌkano.n se bhī ibadat me.n ḳhalal paḌta hai 

------------------*------------------

Whatsapp Shayari zindagi Duniya Shayari Friendship

Posted In : Rahat Indori

14-Jul-2017
360 views