Roz taro.n ko numaish me.n ḳhalal padta hai

Roz taro.n ko numaish me.n ḳhalal paḌta hai 

cha.nd pagal hai a.ndhere me.n nikal paḌta hai 

------------------*-----------------

ek divana musafir hai miri a.nkho.n me.n 

vaqt-be-vaqt Thahar jaata hai chal paḌta hai 

------------------*-----------------

apni ta.abir ke chakkar me.n mira jagta ḳhvab 

roz suraj ki tarah ghar se nikal paḌta hai 

------------------*-----------------

roz patthar ki himayat me.n ġhazal likhte hai.n 

roz shisho.n se koi kaam nikal paḌta hai 

------------------*-----------------

us ki yaad aa.i hai sa.nso zara ahista chalo 

dhaḌkano.n se bhi ibadat me.n ḳhalal paḌta hai

------------------*-----------------

Love Shayari Yaad Shayari Duniya Shayari

Posted In : Rahat Indori

14-Jul-2017
360 views