Bootstrap Image Preview

Udhar vo bad-gumani hai idhar ye naa-tavaani hai

Udhar vo bad-gumani hai idhar ye naa-tavaani hai
na poochha jaaye hai us se na bola jaaye hai mujh se

---------------------*-----------------------

Un ke dekhe se jo aa jaati hai munh pe raunak
vo samajhte hain ki beemar ka haal achchha hai

---------------------*-----------------------

Etibar-e-ishq kee khana-kharaabi dekhna
gair ne kee aah lekin vo khafaa mujh par huye

---------------------*-----------------------

Qat’a keejiye na taalluk ham se
kuchh nahi hai to adaavat hi sahi

---------------------*-----------------------

Karz kee peete the may lekin samajhte the ki haan
rang laavegi hamaari faaka-masti ek din

---------------------*-----------------------

Kahaan may-khaane ka darvaaja ‘Ghalib’ aur kahaan vaaiz
par itna jaante hain kal vo jaata tha ki ham nikle

---------------------*-----------------------

Kaaba kis munh se jaaoge ‘Ghalib’
sharm tum ko magar nahi aati

---------------------*-----------------------

Qaasid ke aate-aate khat ik aur likh rakhuun
mai jaanta huun jo vo likhenge jawaab mein

---------------------*-----------------------

Kitne sheereen hain tere lab ki raqeeb
gaaliyaan kha ke be-mazaa na hua

---------------------*-----------------------

Kee mire qatl ke baad us ne jafaa se tauba
haaye us zood-pasheemaan ka pasheemaan hona

Dard Shayari Ashq Shayari Bewafa Shayari Sad Shayari

Posted In : Mirza Ghalib

05-Jul-2017
373 views

0 Comments